名媛望族史迪仔

名媛望族史迪仔

名媛望族史迪仔 : 史迪仔驚現《名媛望族》

無綫劇集《名媛望族》進入尾聲，前晚劉松仁跟陳玉蓮道別的劇情感動不少觀眾，在蓮妹挽着小手袋離開大宅的一場戲，繼續被網民「捉錯處」。有人發覺蓮妹的小手袋似卡通角色「史迪仔」，照片在網上瘋傳，指「TVB又有搞笑嘢，史迪仔現身《名媛望族》。」網民齊齊Like爆，說史迪仔原來老過米奇老鼠，在民初年代已存在；又說此劇是穿越劇，大家議論紛紛。不過，睇真些手袋上的圖案只是似史迪仔，網民太眼利兼聯想力豐富，引起這可愛的誤會了。

名媛望族史迪仔

TVB悶劇又有搞笑位 史迪仔現身《名媛望族》

TVB套播極都播唔完o既《名媛望族》，o尋晚終於播到第36集o勒，辛苦晒追睇而又唔瞌眼o既讀者。估唔到劇集步入尾聲，居然仲有笑料喎，就係疑似史迪仔出現民初劇！唔通觀眾們被悶到玩全民「捉錯處」？

話說o尋晚o個集講到劉松仁寫封休書叫陳玉蓮過主，蓮妹執包袱離開大宅o個陣，見佢拎住個手袋仔，但手袋花紋堅似迪士尼隻卡通人物史迪仔，之後鏡頭再zoom近，睇真o的，依然勁似。

網民拿拿臨CAP圖放上網，有圖有真相嘛，o尋晚o的cap圖就o係網上瘋傳。不過，TVB雖然是是旦旦，但你放大睇真o的個手袋，又確係似花紋多過史迪仔喎，而且蓮妹無理由拎上手時都唔發覺隻史迪仔o掛。咁究竟係TVB擺烏龍，定係手袋花紋似史迪仔，就由看官自行判斷吧！